Wat maakt de Platt-AG

Mit de „Arbeitsgemeinschaft Plattdeutsch“ – Plattdüütsch-AG – will de Heimatvereen Angeln dorto bidregen, dat de plattdüütsche Spraak un Kultur an’t Leven holen un plegt warrt.

De Plattdüütsch-AG harr de Gründungsversammeln an ‘n 26.09.2001 in Süderbrarup. 42 Lüüd weern de Inladen folgt. De Böverste vun de Plattdüütsch-AG is gliek Annemarie Clausen ut Nübel bi Schleswig worrn. Johr för Johr hett se to dree bet veer Drapen mit ünnerscheedliche Themen inladen un mit ehr is de Liddmatentall in 12 Johren op wiet över 100 anwussen.

Op de Harvstversammeln 2013 in Gelting wurr Erich Petersen as Nafolger vörstellt. Mit en Ümfraag-Aktion hett he Wünsch un Vörslääg för dat Wiedermaaken affraagt. Sodennig gifft dat en Richtsnoor för dat Programm in de tokamen Tiet.

In de Hauptsaak schall maakt warrn:
* Versammeln mit Vördrääg to plattdüütsche Kultur (Wöör, Biller, Musik)
* Besöök in Museen mit plattdüütsche Leid un Seggen
* Kontakt to junge Lüüd un na Schoolen un Kinnergoorns
* Besöök vun plattdüütsche Goddesdeensten
* Textarbeit mit plattdüütsche Literatur un mit plattdüütsch Schrieven
* … allens ok mal mit Eeten, mit Kaffee un ümmer mit Klönsnack

Wat in de Johren maakt wurrn is, kann naleest warren in de Johrböker vun de Heimatvereen Angeln ünner „Berichte der Arbeitsgemeinschaften“.

Kontakt to de Böverste vun de Plattdüütsch-AG:
Erich Petersen
Tel.:  0461 / 50548462
E-Mail: erich.petersen.gsw@t-online.de

Newsletter