Arbeitsgemeinschaft Plattdeutsch

Utfort na Kiel - Besichtigung na dat Landeshuus

Leve Liddmaten vun de Plattdüütsch-AG
un leve Frünnen vun de plattdüütsche Spraak,



en ne'e Naam steiht baven an. Op de Fröhjohrstagung 2018 in Frienwill bün ik as Böverste vun de Plattdüütsch-AG beropen wurrn un dormit nu de Nafolger vun Erich Petersen. He hett dat meist fief Johr maakt un wull geern aflöst warrn. Ik freu mi op dat Wiedermaken mit ju all.
Ik will starten mit en Plattdüütsch-Utfohrt mit wat to'n Kieken un Hören, mit Kaffe un Koken un mit Klönsnack. För disse intressante Namiddag heff ik bi Neubauer-Touristik en Bus ,chartert'. 44 Lüüd könen mit op de Reis gahn - un hier is dat Programm:
Utfohrt na Kiel - Besichtigung un plattdüütsche Verkloren in't Landeshuus
• Landeshuus mit Plenarsaal - wi sehn dat grote historische Huus un hören,
   wodennig dat in de Schaltsteed vun de Landespolitik so aflopen deit.
   Marianne Ehlers vun de Sieswig-Hoisteensche Heimatbund (SHHB) weet dor       bestens Bescheed un se nimmt uns mit op de Runn dörch dat Huus.
• Kantine im Landeshaus - hier gifft dat Kaffe un lecker Koken. Wi hebben           denn ok Tiet för Klönsnack un för de ene oder anner Fraag.
• Lütte Spazeergang üm dat Landeshuus herüm, dal na de Waterkant un en        Stück langs de Kiellinie bit na de Busparkplatz - üm un bi 600 m.
• An 't Enn sünd wi gegen Klock fief wedder in de Bus för de Fahrt na Huus.
Dat geiht los:
>  Mittwuch, 18. Juli 2018
dat gifft twee Steden, wo de Bus uns opsammelt un wo ok Parkplatz is,
> Sörup "Parkplatz bi 't Bürgerhuus" - Affohrt üm Klock half een (12.30 Uhr)
achter dat ,Söruper Bürgerhaus", Schleswiger Straße 3
>  Süderbrarup "Bahnhoff" - Affohrt üm Klock teihn vör een (12.50 Uhr)
Bahnhofstraße 15
Kostenbidrag för Bus, Landeshuus.Kaffe un Koken: 25,00 €
Dat warrt foorts in de Bus insammelt. Wenn dat Geld topass is, geiht de Arbeit lichter.
Anmellen mutt sien - unbedingt bit Friedag, 6. Juli 2018 - bi mi an 't Telefon,
mit en Breef/Postkoort oder en E-Mail; wer toeerst kümmt maalt toeerst.

Wichtig: Togang in't Landeshuus löppt nich ohne Personolutwies oder Pass!


Mit beste Gröten,
Peter-Heinrich Bendixen
Nordstern 10, 24972 Steinberg
Tel.: 04632/7077 Mobil: 0176/80897823
E-mail: phbendixen@t-online.de

Beginn Datum
L?uft
Mittwoch, 18. Juli 2018
Beginn Uhrzeit
12:30 Uhr
Ort
Utfort na Kiel

Newsletter